Zv/ndihmës Sekretari amerikan, Veselit: Kosova t’i kryej obligimet e saj si shtet

Kryetari i Kuvendit të Republikës së Kosovës, Kadri Veseli, në vazhdën e takimeve me personalitete të larta amerikane, sot në Uashington ka takuar Zëvendës Ndihmës Sekretarin për çështjet evropiane dhe euro-aziatike, Hoyt Brian Yee.

Sipas njoftimit nga zyra për informim e kryeparlamentarit, temë qendrore e takimit ishin marrëdhëniet e afërta midis Shteteve të Bashkuara të Amerikës dhe Kosovës, si dy vende mike, me raporte të veçanta bashkëpunimi, transmeton lajmi.net.

Zyrtari i lartë amerikan, Yee, ka thënë se Kosova duhet t’i kryej të gjitha obligimet e saj si shtet, pasiqë, siç ka thënë, ai detyrimet e përmbushura e forcojnë shtetësinë e saj.

Kryeparlamentari Veseli u zotua se Republika e Kosovës do t’i kryejë të gjitha obligimet dhe të vazhdojë konsolidimin e shtetësisë. /Lajmi.net/