Veseli tallet me Kurtin: Kthehu nga Norvegjia, nuk do të ketë luftë

Kryetari i Kuvendit Kadri Veseli, duke folur për rrënimin e murit në Mitrovicë, dhe projektin e ri në atë pjesë, ka kritikuar disa nga opozita që dje kanë deklaruar se në Mitrovcië do të ndërtohet sërish muri shkruan gazeta Express.

Ai me këtë rast ka ftuar qytetarët që të mos i dëgjojnë këta politikanë, që sipas tij shohin dhe flasin vetëm zi, që e vetmja gjë që shohin është karrigja e tyre.

Ai me këtë rast pa i përmendur emrin, ka ftuar deputetin e Lëvizjes Vetëvendosje që të kthehet në Kosovë dhe të mos kenë frikë se mund të bëhet luftë.

“Mos lejoni manipulime nga njerëzit që shohin vetëm zi, që të vetmin mendim e kanë vetëm karrigen. I ftojë që të kthehen në Kosovës, se janë frikuar se do të bëhet luftë. Këtu duhet me nejt edhe kur është keq e edhe kur është mirë”, ka thënë Veseli.

Në fundjavën e kaluar mediat kanë publikuar një fotografi të deputetit Kurti, i cili ndodhet në Norvegji ku edhe i jeton bashkëshortja e tij, shtetase e këtij vendi.

Kurti në foto shihet teksa mban karrocen e vajzës së tij të vogël.