Thaçi: Zahiri, Edmondi e Hakifi, ishin shëmbëlltyre e sakrificës për liri

Presidenti i Kosovës, Hashim Thaçi ka bërë homazhe tek shtatorja e Zahir Pajazitit në Prishtinë, në 20 vjetorin e rënies së tij, dhe të Edmond Hoxha e Hakif  Zejnullahut.

Ai ka thënë se heroizmi i  tyre ishte shëmbëlltyra më e mirë e sakrificës për lirinë e Kosovës.

Thaçi  në një postim në facebook, ka shkruar se  kur nderojmë heronjtë marrim energji prej sakrificës së tyre.

“U bënë 20 vjet nga rënia heroike e Zahirit, Edmondit dhe Hakifit”.

“Heroizmi i tyre ishte shëmbëlltyra më e mirë e unitetit, sakrificës dhe përpjekjeve të jashtëzakonshme për lirinë e Kosovës”.

“Kur nderojmë heronjtë e kombit gjithmonë marrim energji prej sakrificës së tyre, prej veprës së tyre, për të përshpejtuar proceset tjera zhvillimore të shtetit tonë, për tu integruar në NATO dhe Bashkim Evropian, sa më shpejtë që është e mundur”, ka shkruar Thaçi. /PodujevaPRESS/