Reagojnë deputetët Vendenis Lahu dhe Fitim Haziri lidhur me votimet e sotme në Kuvendin e Kosovës

35 deputet votuan kundër amandamentit të dy deputetëve Driton Hyseni dhe Mufail Bajqinovci për ndarejn e 6 milion eurove shtesë për rrugën Podujevë-Prishtinë, kurse 34 deputet përfshirë edhe ata nga opozita votuan Pro, mirëpo amandamenti nuk kalojë pra për një vote, transmeton PodujevaPRESS.net

Ishin dy deputetët llapjan nënkryetarja e kuvendit Saranda Bogujevci dhe deputeti Vendenis Lahu ata që apstenuan në votim, kurse deputeti Fitim Haziri nuk u pa të votonte as për as kundër e as apstenim.

E pas reagimeve të shumëta më në fund kanë reaguar edhe dy deputetët Fitim Haziri dhe Vendenis Lahu ku kanë thënë se kanë marrë garancitë nga Qeveria Kurti se rruga shumë shpejt do të përfundojë.

Reagim i Fitim Hazirit:

Të nderuar bashkëvendas llapjanë!

E kam për obligim t’u jap sqarim për atë që ndodhi sot në Kuvend dhe për informatat e rrejshme që media të caktuara po i japin.

Jo, s’kam votuar kundër rritjes së buxhetit për magjistralen Podujevë – Prishtinë. E vërteta është që nuk kam marrur pjesë hiç në votim. Qe pse?

A mendoni që jam në gjendje të votoj diçka kundër interesit të Podujevës dhe bashkëvendasve të mi?!

Problemi i punimeve në magjistralen Podujevë – Prishtinë, nuk është te buxheti. Këtë e dinë të gjithë akterët politikë dhe institucionalë që janë të kyçur drejtpërdrejt në këtë projekt.

Problemi është direkt tek ministria e Infrastrukturës, që nuk ka arritur ta bëj projektin me ndryshimet e domosdoshme të atij paraprak (siç kemi premtuar si Lëvizje Vetëvendosje në fushatë) dhe përfundimin e shpronësimeve, në mënyrë që të fillojnë punimet në teren.

A jam kritik për këtë gjë?! Po, më shumë se kushdo tjetër. A kam insistuar vazhdimisht që si përfaqësues në Kuvend të bëjë presion për kryerjen e procedurave për rifillimin e punimeve?! Po, më shumë se kushdo tjetër.

Projekti për rrugën Prishtinë – Podujevë, një kontratë është nëshkruar në vitin 2016-Lot 1. Lotet  tjera janë nënshkruar në vitin 2018. Arsyet e mos përfundimit të kësaj rruge kanë qenë problemet e shpronësimeve sepse nuk ka pasur elaborat të shpronësimeve dhe arsye tjeter është projekti i dobët i punuar. Shembull për këtë është, loti 1 i cili është nënshkruar në vitin 2016, tash duhet të bëhet një projekt vetëm për pjesët të cilat nuk janë përfunduar ose janë përfunduar dobët në atë kohë për të cilën janë bërë/kontraktuar punët.

Për herë të parë po bëhet tash elaborati i shpronësimit, që pritet të shkojë në Qeveri brenda këtij muaji për votim. Poashtu, edhe projekti për gjithë rrugën e Podujevës deri në Bërnicë është në finalizim.

Procedurat tenderuese do të fillohen shumë shpejt.

Në takimet e shpeshta edhe me ministrin e Financave, Hekuran Murati, ku prezentë në shumë prej tyre ka qenë edhe kryeministri Albin Kurti, është përsëritur e përsëritur që buxheti është i gatshëm në momentin kur ministria e Infrastrukturës të jetë gati me projektin siç e përmenda më lartë. Gjithashtu kjo u tha edhe sot nga ministri Murati.

Pra, nuk ka vazhdim të punimeve në magjistralen Podujevë – Prishtinë, jo për shkak të buxhetit, por në mungesë të projektit dhe procedurave që i përmenda më lartë.

Ama, është e padrejtë të thuhet s’ka buxhet e të tentohet të krijohet amulli në një situatë kaq të ndjeshme dhe të rëndësishme për llapjanët.

A jam i gatshëm të marrë edhe përgjegjësi morale dhe politike nëse kjo rrugë nuk kryhet mirë e mbarë, siç është dashur të niset?! Po, sot e përgjithmonë.

I mirëkuptoj krejt banorët e Podujevës (votues të cilësdo parti qofshin) për krejt mllefin që e kanë me të drejtë, për vonesën e punimeve, për kolonat, për gjithçka tjetër. Por, nuk kam si t’i mirëkuptoj zyrtarë/politikanë që e nisën keq këtë projekt, e ata të tjerët që në këtë rrugë kalojnë një herë në dy javët – e ndoshta një herë në muaj.

Në fund; unë kurrë si tradhëtoj banorët e Llapit dhe Gollakut. As fizikisht e as politikisht. Si kam tradhëtu deri sot, se bëjë as në të ardhmen.

Reagimi i Vendenis Lahut:

Rreth manipulimit të opinionit për magjistralen Podujevë-Prishtinë

Problemi i magjistrales Podujevë-Prishtinë  nuk ka qenë dhe nuk është mungesa e buxhetit.

Bashkë me nënkryetaren e Kuvendit, Kryetarin e Komunës kemi zhvilluar takime të shumta në ministritë e linjës për t’u përditësuar me ecurinë e punëve rreth projektit të magjistrales Podujevë-Prishtinë.

Nga takimet e zhvilluara përveç me Ministrin e Infrastruktures dhe Financave, për mënyrën e financimit të magjistrales Podujevë-Prishtinë ne kemi qenë në dakordim të plotë edhe me Kryetarin e Komisionit për Buxhet dhe Kryeministrin që mjetet e nevojshme shtesë të ndahen përmes vendimeve të Ministrisë dhe Qeverisë ashtu siç edhe mundëson Ligji për Buxhetin.

Prandaj në bazë të këtij dakordimi për financim ne nuk kemi paraqitur amandament – sepse do të ishte e pakuptimtë dhe nuk kemi votuar amandamente për këtë çështje sepse kjo do të ishte absurde, aq më tepër kur ato kanë qenë plotësisht të pakoordinuara.

Prandaj, çdo aludim se ne kemi votuar kundër financimit e shtimit të buxhetit për magjistralen Pd-Pr është thjesht manipulim, sepse buxheti 2023 mundëson financim pa limit për magjistralen.

P.S. qeveria me vendim mund të ndajë deri në €50 milionë për magjistralen Podujevë-Prishtinë.

Dy deputetët llapjanë Saranda Bogujevci dhe Vendenis Lahu apstenuan për ndarjen e mjeteve shtesë për rrugën Podujevë-Prishtinë