Priten zhvillime të reja në degën e LDK-së në Podujevë

Lidhja Demokratike e Kosovës ka zgjedhur kryetarin e ri të partisë pas dorëheqjes së Isa Mustafës nga pozita e të parit të partisë pas një debakli të rëndë në zgjedhjet e 14 shkurtit, raporton PodujevaPRESS.net

Ditën e shtunë u zgjodh edhe kryesia e re e kësaj partie, ku aty mungon emri i Agim Veliut” , dhe siç edhe kemi raportuar javën e kaluar ai u zëvendësua me Ekrem Hysenin.

“Konfliktet” e Veliut me Hysenin janë nga viti i kaluar, kur e kishin akuzuar se nuk i kishte ndihmuar Nexhmi Rudarit për kryetar komune, çka edhe e kishte mohuar kategorikisht Ekrem Hyseni një akuzë të till.

LEXO EDHE:

Dega e LDK-së në Podujevë i del nga “kontrolli” Agim Veliut, priten ndryshime

Problemet kanë vazhduar edhe në zgjedhjet e jashtëzakonshme të mbajtura më 14 shkurt të këtij viti, ku Ekrem Hyseni ka bërë disa ankesa në PZAP dhe Gjykatën Supreme me pretendimet se i janë vjedhur votat. Kujtojmë se Hyseni ka dal më i votuar se Veliu në Podujevë. Por Agim Velia kishte arritur të bëhet deputet.

Ndërsa tani pas humbjes së zgjedhjeve në Podujevë, për herën e dytë,  strukturat dhe anëtarësia e gjerë e këtij subjekti po e akuzojnë Veliun se ishte ai që bëri ta humbin këtë komunë ku fituese doli Vetëvendosje me kryetarin e zgjedhur Shpejtim Bulliqi, një ish zyrtar i LDK-së.

Pas bërjes publike të emrave të kryesisë së re në nivelin qëndrorë, në degën e LDK-së në Podujevë kanë filluar lëvizje të reja. Fushata Anti-Veliu po vazhdon dhe burimet tona tregojnë se shumica e kryesisë tani më janë rreshtuar me Ekrem Hysenin dhe gjasat janë shumë të mëdha inicimi i një peticioni për shkarkimin e Agim Veliut nga kryetari i degës.

LEXO EDHE:

Raportimi i PodujevaPRESS del i sakt, Agim Veliu mbetet jashtë kryesisë së LDK-së, hynë Ekrem Hyseni

Gjasat që kjo të ndodh janë shumë të mëdha mirëpo mbetet edhe opsioni i dytë kur pas disa javëve mbahen zgjedhjet në nivel degëve dhe pritet që delegatët e LDK-së në Podujevë ta zgjedhin për kryetar dege doktorin Ekrem Hyseni, i cili me gjasë edhe do të hynë në garën për kryetar komune në zgjedhjet lokale që pritet të mbahen në vjeshtën e këtij viti.

Mbetet të shihet se sa mbështetje i ka mbetur Agim Veliut në kontrollin e strukturave të këtij subjekti në Podujevë. /PodujevaPRESS.net/