Dega e LDK-së në Podujevë i del nga “kontrolli” Agim Veliut, priten ndryshime

Gjatë ditës së diel LDK-ja mbajti Kuvendin e Jashtëzakonshëm për zgjedhjen e kryetarit të saj. Me vota të fshehta është zgjedhur Lumir Abdixhiku.

Në garën për të parin e LDK-së, Abdixhiku ka qenë me dy kandidatë të tjerë për kryetarë, Lutfi Hazirin dhe Besian Mustafën, ndërsa para fillimit të Kuvendit, nga gara u tërhoq kandidati Anton Quni.

Lumir Abdixhiku nga 328 delegatëve të këtij kuvendi ka marrë 191 vota duke fituar garën ndaj Lutfi Hazirit dhe Besian Mustafës pa balotazh. Haziri ka marrë 117 vota, kurse Mustafa vetëm 16.

Por si votuan 29 delegatët e Podujevës?!

Burimet e PodujevaPRESS tregojnë se ishte bërë një presion i pa parë ndaj delegatëve që të votonin për Lutfi Hazirin. Gjithnjë duke ju referuar burimeve tona disa persona, zyrtar të LDK-së të lidhur me Agim Veliun (emra të njohur për redaksinë) gjatë tërë ditës së premte dhe të shtunë në disa restorante të Podujevës ishin thirrur delegatët një nga një.

Por sipas informacioneve tona Ekrem Hyseni dhe Fidan Rekaliu kanë arritur ti bindin shumicën e delegatëve llapjan që të votojnë për Lumir Abdixhikun, ku prej 29 delegatëve vetë 4 kishin shprehur haptazi qëndrimin se kanë për të votuar për Lutfi Hazirin.

E në këtë mes ishte edhe ish kandidati për kryetar komune Nexhmi Rudari i cili nuk arritur të mbes në Këshillin Drejtues të LDK, por aty ka hyrë Ekrem Hyseni.

Burimet tona brenda salles kanë treguar se vetë Agim Veliu ishte ulur në fund të sallës dhe gjatë momentit të ngritjes në këmbë nga delegatët për ti duartrokitur zgjedhjes kryetar të Lumir Abdixhikut, veliu qëndronte ulur dhe nuk duartrokiste.

Tani lufta e ashpër pritet të bëhet në Podujevë, ku pas disa javëve delegatët do të zgjedhin kryetarin e ri të degës së LDK-së në Podujevë dhe organet tjera.

Tani më janë dy grupe ku në njërën anë është Ekrem Hyseni dhe grupi tjeter i Agim Veliut./PodujevaPRESS.net/