Podujevë: E rrah gruan në prezencë të punëtorëve të Qendrës për Punë
Perez e pranon, Reali blen lojtarë për të shitur fanella (Foto)
Perez e ka pranuar se “Galatikët” e transferua në Santiago Bernabeu janë sjellë edhe për çështje ekonomike
Presidenti i Real Madridit, Florentino Perez, ka bërë të ditur se Mbretërit kanë tentuar gjithmonë që të transferojnë lojtarët duke u bazuar në kriteret sportive dhe ato ekonomike gjithashtu, shkruan Goal, transmeton Gazeta Express.
Luis Figo, Zinedine Zidane, Ronaldo, Fabio Cannavaro, David Beckham, Kaka, James Rodriguez, Cristiano Ronaldo e Gareth Bale janë transferuar për shuma marramendëse të parave, por me shpresën se do t’i sjellin të ardhura klubit – nga shitja e fanellave apo edhe gjëra tjera.
Perez është afër që të arrijë ndeshjen e 500 si president i Real Madridit ku Los Blancos janë lider të La Ligas dhe rrugës së mirë për të mbrojtur titullin e Ligës së kampionëve.
Ai e ka pranuar se gjithmonë para çdo transferimi, mendohet në radhë të parë se çfarë mund të përfitojë klubi nga ai.
“Në modelin tonë është thelbësore që të kuptime se çdo lojtarë me të cilin nënshkruajmë, duhet ta kemi në mendje se çfarë të ardhurash na sjell?”, tha fillimisht ai.
“Në vitin 2000, Real Madridi ka vuajtur shumë në aspektin ekonomik, kemi përjetuar një krizë. Aq e madhe saqë rrezikoi të humbiste statusin si klub që pronar ka anëtarin. Por klubi do të vazhdojë t’i takojë anëtarëve të vet e jo ndonjë individi”, shtoi ai më tej. /Express/
