Kryetari i Komunës, Shpejtim Bulliqi i shoqëruar nga drejtoresha e Shëndetësisë, Adelina Stublla, u.d drejtori i QKMF-së Bajram Bajgora dhe stafi i Qendrës së Mjekësisë Familjare në Lluzhan kanë përuruar laboratorin biokimik në këtë qendër.
Falë investimit nga Drejtoria e Shëndetësisë dhe Mirëqenies Sociale në shumë mbi 30 mijë euro është kompletuar laboratori në QMF-Lluzhan, nga sot të gjitha analizat hematologjike dhe biokimike që kryhen në laboratorin e QKMF-së do të kryhen edhe në QMF Lluzhan.
Gjaku për analiza biokimike merret nga ora 07-09, kurse për ato hematologjike gjatë gjithë orarit të rregullt të punës.
Kryetari Bulliqi gjatë vizitës tha “Prioritet i yni si qeverisje komunale mbetet sektori i shëndetësisë, në mënyrë që të ofrojmë shërbime sa më cilësore për qytetarët tanë”.
