Ky është zëvendësministri nga Podujeva që u emërua nga Albin Kurti |Foto
Në media u raportua mbrëmë se kryeministri, Albin Kurti ka bërë ndryshime në ekzekutivin e tij.
Ai ka liruar nga detyra Resul Makreshin, zëvendësministrin e Ministrisë së Industrisë, Ndërmarrësisë dhe Tregtisë, duke e zëvendësuar atë me z.Agim Hysenin nga Podujeva.
Agim Hyseni pas lufte ishte edhe asambleistë në Kuvendin Komunal të Podujevës.
Hyseni tani është me subjektin politik Partia e Ashkalinjëve për Integrim. Emërimin e tij e ka konfirmuar edhe aktivisti i komunitetit ashkali në Podujevë, Mirsad Tahiri.
Mirëpo ky emrim ka shkaktuar edhe reagim te subjektit Partia Demokratike e Ashkalive të Kosovës.
Ata e kanë akuzuar se Agim Hyseni, tashmë zëvendësminister, ishte i denuar dhe i burgosur për keqpërdorim fondesh.
Ky është reagimi:
Shkarkimi i zv/ministrit Makreshi, reagon PDAK
Reagimi I plotë:
Partia Demokratike e Ashkanlive të Kosovës, njofton opinionin publik, se dje Kryeministri Kurti, ka liruar nga detyra zëvendësministrin e Industrisë, Ndërmarrësisë dhe Tregtisë z.Resul Makreshi, duke e zëvendësuar atë me z.Agim Hyseni.
I nderuari Makreshi, me profesionalizëm dhe përgaditje adekuate për politikat qeveritare, me kujdesë të plotë kontribuoj gjatë këtij mandati qeverisës, ku shërbeu me integritet të lartë duke mos i shkaktuar qeverisë dhe pozitës së tij asnjë dëm dhe skandal të vetëm.
Fakti që, Agim Hyseni, tashmë zëvendësminister, ishte i denuar dhe i burgosur për keqpërdorim fondesh, PDAK, shpreh shqetësimin e saj për vendimin e Kryeministrit Kurti, në emrimin e Agim Hyseni në postin e zevendësministrit të MINT, të cilin e konsiderojmë të ndikuar politikisht nga ish deputeti dhe ish i burgosuri për korrupsion gjithashtu Etem Arifi, kryetar i PAI-së dhe deputeti aktual Bekim Arifi.
