Komuna e Podujevës pranon donacion nga Westerstede e Gjermanisë

Komuna e Podujevës ka përfituar nga një donacion i Westerstede e Gjermanisë. Ky donacion kryesisht përbëhet nga një kontingjent me pajisje shëndetësore  për Qendrën Kryesore të Mjekësisë Familjare (QKMF) dhe inventar për  shkolla, raporton PodujevaPRESS.

Kështu bënë më dije zyra për komunikim në faqen zyrtare të Komunës së Podujevës në facebook.

Ky është postimi i plot:

Në Podujevë vjen donacioni nga Westerstede për arsimin dhe shëndetësinë

Një kontingjent me inventar shkollor dhe pajisje dhe inventar mjekësor i ka ardhur Komunës së Podujevës donacion nga bashkia Westerstede e Gjermanisë.

Në kuadër të bashkëpunimit dhe partneritetit të krijuar në mes të Komunës së Podujevës dhe Bashkisë Westerstede të Gjermanisë, nga qyteti gjerman në Podujevë ka arritur një kamion me ndihma në pajisje dhe inventar për Qendrën Kryesore të Mjekësisë Familjare dhe për disa shkolla.

Falë angazhimit të bashkatdhetarit Sami Vokrri, i cili është angazhuar për grumbullimin e donacionit në Westerstede, kontingjenti me ndihma përmban më shumë se 100 banka dhe tavolina shkollore, 65 karrige, 10 shtretër spitalor, një aparat për anestezion, një vitrinë dhe një dollap për barnatore.

Për kontributin e dhënë në grumbullimin e ndihmave për Podujevën, Vokrri falënderon kryetarin e Bashkisë Westerstede, z.Klaus Gross dhe drejtorin e spitalit në Westerstede.

Westerstede edhe më herët ka ndihmuar Komunën e Podujevës me pajisje dhe inventar për shkolla dhe QKMF-në si dhe me një automjet për Brigadën e Zjarrfikësve.