Ju premtoi migrim në BE, arrestohet në pikëkalimin kufitar në Merdare!

Mbrëmë rreth orës 20:00 në pikën kufitare me Serbinë, në Merdare është arrestuar një person i gjinisë mashkullore, K-Shqiptar, i cili kishte tentuar të dërgonte 3 persona ilegalisht në shtete të BE-së, njfoton policia kufitare e Kosovës, 

I njëjti mesohet t’u ketë marrë nga 2500-3500 euro për person./PodujevaPRESS/

Ky është njoftimi i plot:

KONTRABANDIM ME MIGRANTË

PKK-Merdare 29.01.2017-20:00. Është arrestuar i dyshuari mashkull K-Shqiptar, nën dyshimin se i njëjti ka kryer veprën e cekur, pasi që gjatë kontrollit në veturën e të dyshuarit janë hasur-takuar tre persona-viktima meshkuj shtetas të Kosovës, të cilëve i dyshuari u kishte premtuar se do t’i dërgonte në shtetet e BE-së dhe për këtë qëllim dyshohet se ua kishte marrë nga 2500-3500 €. Njësitet policore gjatë kontrollit tek i dyshuari kanë gjetur dhe sekuestruar para të gatshme 5885 €. Me vendim të prokurorit, viktimat pas intervistimit janë liruar, ndërsa të dyshuarit i është konfiskuar vetura dhe pas intervistimit është dërguar në mbajtje.