Ish Presidneti Fatmir Sejdiu ka thënë se institucionet relevante të Francës duhet ta lirojnë z. Ramush Hardinaj. Ai dy herë është shpallur i pafajshëm nga drejtësia ndërkombëtare. Po ashtu ka thënë se është koha e fundit që institucionet si (Interpol dhe Europol) kërkesa e Serbisë t’i hedhin anash, shkruan PodujevaPRESS.
Ky është reagimi i plot i z. Sejdiu:
Arrestimi i ish Kryeministrit të Kosovës dhe liderit të AAK-së Ramush Haradinajt ka shqetësuar qytetarët e Kosovës dhe përgjithësit gjithë shqiptarët. Aq mē tepër, ky shqetësim rritet kur veprimet e tilla si ky i fundit në Francë janë përseritur disa herë ndaj njerëzve të Kosovës. Këto ndalime po bëhen në bazë të kërkesave të fabrikuara të Serbisë e cila ka tendencë të qëllimshme për destabilizimin e Kosovës dhe kompromitimin e drejtësisë ndërkombëtare.
Ish Kryeministri i Kosovës, siç dihet dy herë u shpall i pafajshëm nga drejtësia ndërkombëtare dhe tani ndalohet, çuditërisht në bazë të kërkesave serbe, kohësisht më të hershme se proceset gjyqësore nëpër të cilat z. Hardinaj ka kaluar dhe është shpallur i pafajshëm.
Është kohë e fundit të mbizotërojë arsyeja te institucionet ndërkombëtare (Interpol dhe Europol) dhe të hedhin anash kërkesat e llojit të tillë që i adreson Serbia ndaj qytetarëve të Kosovës.
Në këtë drejtim edhe institucionet relevante te Francës duhet të veprojnë duke e liruar z. Haradinaj.
