Vdes mamia llapjane Sanije Topanica, iu ndihmoi grave në lindje gjatë luftës
Gjykata e Apelit në Francë, sot vendos për Haradinajn!
Ish-kryeministri i Kosovës, Ramush Haradinaj sot në orën 11:00 pritet të dalë para trupit gjykues francez, në qytetin Colmar të Francës, pasi që javën e kaluar u ndalua në paraburgim, në bazë të një urdhërarresti të lëshuar nga Serbia.
Sipas mbrojtjes së Haradinajt, ish kryeministri pritet që sot të lirohet me kusht, deri në përfundimin e procedurës dhe dhënies së vendimit përfundimtar, shkruan GazetaBlic.com
Në anën tjetër, Serbia ka paralajmëruar për sot dorëzimin e kërkesës për ekstradim për Haradinajn. Kjo kërkesë tashmë është e plotësuar, pasi që Ministria serbe e Drejtësisë dje kishte dorëzuar kërkesën e parë.
Sipas autoriteteve serbe, Francës i është dorëzuar komplet dokumentacioni me aktakuzën e ngritur, aktakuzë kjo që sipas Beogradit zyrtar, nuk ka të bëjë me pretendimet për të cilat Haradinaj është gjykuar dy herë nga Tribunali i Hagës.
Ministrja serbe e Drejtësisë, Nela Kuburoviq, ka thënë se për Haradinajn aktakuza është për “krimet e pretenduara” në vitin 1999 e jo 1998.
Ndryshe, një Gjykatë e Apelit e la në paraburgim, të enjten që shkoi, ish-kryeministrin e Kosovës që u ndalua në aeroportin e Bazelit, shkaku i një fletarresti që Serbia e ka lëshuar në vitin 2004.
E njëjta gjykatë i dha Serbisë afat kohor që të deponojë prova ndaj kreut të AAK-së 18 deri në 40 ditë.
