Joe Biden priti në takim Presidentin Thaçi (Foto)
Zëvendëpresidenti në largim i SHBA-ve, Joe Biden, priti në takim Presidentin Hashim Thaçi, i cili po qëndron për një vizitë në Shtetet e Bashkuara të Amerikës, shkruan PodujevaPRESS.
Thaqi ka bërë me dije se Joe Biden për të, mbetet inspirim dhe model i përkryer prej lideri. Ndërsa ajo çfarë e bëjnë të veçantë z. Biden janë, urtësia, mençuria dhe sinqeriteti.
Presidenti Thaç këtë njoftim e bëri në profilin e tij në facebook./PodujevaPRESS/
Ky është njoftimi i plot:
Në jetën time, në kohë dhe rrethana të ndryshme, kam takuar shumë liderë botërorë. Por, padyshim, zëvendëspresidenti i SHBA-së, Joe Biden, për mua mbetet inspirim dhe modeli më i përkryer.
Ajo çfarë e bën të veçantë zëvendëspresidentin Biden, ndër të tjera është urtësia, mençuria dhe sinqeriteti i tij. I tillë ishte dhe ka qenë në të gjitha takimet që kam pasur përgjatë gjithë këtyre viteve. I tillë ishte edhe në takimin e sotëm.
Përkushtimi i Amerikës dhe përkushtimi personal i zëvendëspresidentit Biden për paqen në Kosovë, në rajon dhe më gjerë mbetet i përhershëm, sepse është interes strategjik i SHBA-së.
Prandaj, jam i sigurt se ky përkushtim do të vazhdojë edhe gjatë administratës së re. Ndërsa, zëvendëspresidenti Biden dhe gjithë familja e tij, tani dhe përgjithmonë, Kosovën duhet ta konsiderojnë si shtëpinë e tyre.
Ndjehem njeri me fat dhe krenar që vendi im mbështetet nga njerëz të tillë të jashtëzakonshëm si zëvendëspresidenti Biden. Le të mbetet e përjetshme dhe e bekuar kjo miqësi ndërmjet Kosovës dhe Amerikës. HTH (fotot: Astrit Ibrahimi)
