Dyshimet për keqmenaxhim të buxhetit në Komunën e Podujevës, aktivizohet Prokuroria e Shtetit

Dyshimet se në Komunën e Podujevës ka keqmenaxhim të financave publike, e që në fakt përbën vepër penale, ka bërë që të aktivizohet Prokuroria Themelore e Prishtinës, të paktën kështu i ka thënë PodujevaPRESS-it Laureta Ulaj zyrtare për informim në Prokurorin Themelore të Prishtinës.

PodujevaPRESS ka dërguar pyetje në Prokurorin e Shtetit lidhur me lidhur me pretendimet që Lidhja Demokratike e Kosovës dega në Podujevë ka bërë ndaj zyrtarëve komunal ku siç kanë thënë në LDK, ata kanë bërë kallzim penal ndaj këtyre zyrtarëve që lidhet me keqpërdorim të pozitës zyrtare dhe keqpërdorim të financave publike.

Po ashtu PodujevaPRESS është interesuar se deri ka ka shkuar çështja e raportit të Zyrës Kombëtare të Auditimit të cilët ka bërë raport të kualifikuar për Komunën e Podujevës e që në fakt tregon se ka keqmenaxhim të parasë publike në këtë komunë.

E nga Prokuroria Themelore e Prishtinës i kanë thënë PodujevaPRESS-it se: “Referuar pyetjeve tuaja,  ju njoftojmë se Prokuroria Themelore në Prishtinë ka autorizuar Policinë për grumbullimin e informatave dhe provave lidhur me këtë çështje, si dhe ka ndërmarrë veprime të tjera konform KPPRK-së, andaj në bazë të të gjeturave do të veprojë tutje”, thuhet në përgjigje nga Laureta Ulaj zyrtare për informim.

Kujtojmë se deri më tani nuk ka asnjë reagim nga zyrtar nga komuna lidhur me të gjeturat e auditorit por as nga partit opozitare, me përjashtim të shoqërisë civile në Podujevë, të cilët kanë ftuar prokurorinë e shtetit të ndërmarrë masa sa më shpejt.

Shemsi Jashari drejtor i rrjetit të OJQ-ve “Demokracia Fillon Këtu” ka shkruar një status në facebook ku lidhur me të gjeturat e raportit të auditorit ka thënë se “tallava menaxhimi me parat tona”, ku ai ka thënë se ky raport tregon për një mal shkeljesh të bëra nga Komuna e Podujevës.