Çitaku – Trumpit: Jam ambasadorja e shtetit më proamerikan në botë (Foto)

Ambasadorja e Kosovës në Shtetet e Bashkuara të Amerikës, Vlora Çitaku, ka marrë pjesë në darkën speciale të organizuar nga Komiteti i Inaugurimit të Presidentit të zgjedhur, Donald Trump, për komunitetin diplomatik, shkruan Gazeta Express.

Ambasadorja Çitaku me këtë rast është takuar edhe me presidentin e ri të SHBA-së, Donald Trump, inaugurimi i të cilit do të bëhet më 20 janar.

“Mbrëmje e mrekullueshme në darkën speciale të organizuar nga Komiteti i Inaugurimit të Presidentit të zgjedhur, Donald Trump, për komunitetin diplomatik”, ka shkruar Çitaku në rrjetin social Facebook.

Ajo bëri të ditur se pati rast të flasë edhe me të nominuarin për Sekretar Shteti, Rex Tillerson, dhe këshilltarin për Siguri, Michael Flynn.

“U thashë se jam një ambasadore krenare e vendit më pro-amerikan në botë”, shkruan Çitaku në Facebook.

Artikulli paraprakSekretari i OVL-UÇK: Lufta në Kosovën Lindore mund të kërcas përsëri
Artikulli tjetërKujdes me vizitat tuaja! Këto janë 10 shtetet më të rrezikshme në botë (Foto)