Besnik Tahiri refuzon të shkojë në MPJD

Zëvendëskryeministri në detyrë, Besnik Tahiri ka refuzuar të shkojë në Ministrinë e Punëve të Jashtme, pasi të martën mori postin e ministrit në detyrë, post ky që iu dha nga qeveria Hoti pas dorëheqjes së Meliza Haradinaj – Stublla.

Gazeta inFokus mëson se Tahiri nuk ka pranuar që të shkojë në objektin e ministrisë, dhe nuk ka pranuar të dalë nga zyra e kryeministrit.

Pritet që ministri në detyrë të ushtrojë të dy këto funksione shtetërore nga zyra e zëvendëskryeministrit në objektin e qeverisë së Kosovës.

Gazeta inFokus në lidhje me këtë ka provuar që të kontaktoje me Tahirin por i njëjti nuk ka qenë i qasshëm.

Kujtojmë se të martën ish ministrja e punëve të Jashtme, Meliza Haradinaj-Stublla dha dorëheqje për shkak të skandalit për vjedhjen e votave për tu bërë deputete.

E pas kërkimit të dorëheqjes së saj, Kryeministri në detyrë, Avdullah Hoti e liroi atë nga detyra duke i dhënë këtë post zëvendëskryeministrit, Besnik Tahirit.