Vdes mamia llapjane Sanije Topanica, iu ndihmoi grave në lindje gjatë luftës
Darka në Sarajevë, Vuçiq sherr me Mustafen në sy të Ramës: Ke ardhur vetëm apo…?
Samiti i kryeministrave të Ballkanit ka mbledhur në një tryezë kryeministrat e Shqipërisë, Kosovës dhe Serbisë.
Sikundër shihet në foto, kryeministri Rama është ulur përkrah homologut serb Vuçiq, ndërsa kanë përballë kryeministrin e Kosovës Mustafa.
Media serbe shkruajnë se situata nuk ka kaluar aspak e qetë. Kryeministri Vuçiç ka pasur një përplasje verbale me Mustafën lidhur me vendimin e nënshkruar këtë të mërkurë nga ky i fundit për shtetëzimin e të gjitha pronave të ish-Jugosllavisë.
Siç mëson Blici serb, që në fillim të darkës Vuçiq i është drejtuar Mustafës: “Të lutem më thuaj çfarë po ndodh me grabitjen e pronës serbe në Kosovë? Ti ke ardhur vetëm apo me ndihmën e dikujt tjetër?”
Sërish sipas një burimi të “Blic” atmosfera në mesin e mysafirëve ishte “e tensionuar, dhe në disa raste e pakëndshme” për shkak të konflikteve mes Mustafës dhe Vuçiq.
Megjithatë askush nuk ka braktisur darkën, “edhe pse për një moment u duk se kjo mund të ndodhte”, shkruan Blic.
Të pranishëm në darkë ishin edhe Ministri për Tregtinë e Jashtme dhe Marrëdhëniet Ekonomike të Bosnje Hercegovinës Mirko Saroviç, si dhe Ambasadorët e Serbisë dhe Shqipërisë.
