Podujevë: E rrah gruan në prezencë të punëtorëve të Qendrës për Punë
![Veseli insiston për miratimin e Demarkacionit, thotë se PDK i ka votat](https://podujevapress.net/wp-content/uploads/2017/01/maxresdefault.jpg)
Veseli insiston për miratimin e Demarkacionit, thotë se PDK i ka votat
Kreu i Kuvendit të Kosovës, Kadri Veseli, po i8nstiston se partia që ai i takon i ka votat për Demarkacionin. Veseli thotë se menaxhimi i situatave që shpesh edhe eskaluan në Kuvend, të rënda dhe të papëlqyeshme nga personat brenda sallës por edhe nga opinioni, është munduar t’i menaxhoj anise ai u kritikua nga partitë opozitare.
Veseli në një intervistë për Indeksonline e ka cilësuar 2016-tën si vit sfidues, me imazh të lënduar, pavarësisht opozitës, e cila sipas tij, është përpjekur që ta paralizoj jetën institucionale, por që nuk ka mundur.
Ndërsa sa i përket demarkacionit kufitar me Malin e Zi, marrëveshje këtë të cilën po e kundërshton opozita, kryeparlamentari Veseli, i cili është edhe kryetari i partisë më të madhe në vend, PDK-së, tha se kjo parti ka votat e nevojshme.
“Demarkacioni duhet të kalojë. Sipas të gjitha dokumentacioneve të paraqitura në opinion, nga Komisioni Shtetëror, por edhe nga SHBA, vijëzimi i kufirit mes Kosovës dhe Malit të Zi del të jetë në rregull. PDK i ka votat për Demarkacionin;, ka thënë Veseli.