Të shtënat në aeroportin e Floridas, shkon në 5 numri i viktimave

CNN raporton se pesë persona kanë vdekur, dhe tetë të tjerë janë transportuar në spital pasi të shtëna armësh shpërthyen në aeroportin e Fort Lauderdale të premten.

Një numër personash janë vrarë nga të shtënat me armë zjarri nga një sulmues me armë në aerportin Fort Lauderdale, tha të premten një zyrtar i SHBA-së që ka njohuri për ngjarjen, ka njoftuar CNN.

Disa njerëz u vranë dhe një person është arrestuar tha zyra e policisë në Broward, përmes postimit në Twitter.

Zyrtarë të aeroportit thanë në rrjetin social Twitter se “kishte një incident” në zonën e bagazheve në Terminalin 2.

Njoftime të ndryshme në mediat sociale – përfshirë edhe publikimin në Twitter të ish zëdhënësit të Shtëpisë së Bardhë, Ari Fleischer, përshkruan të shtënat.

Një stacion televiziv i Miamit ka postuar në tëitter pamjet duke pohuar se ato janë regjistruar nga pjesa e brendshme e terminalit të bagazheve.

Në video shihen disa të plagosur të shtrirë në tokë derisa dëshmitarët e tjerë thërrasin për ndihmë.

Guvernatori i Floridas Rick Scott po udhëton drejt aeroportit për t’u njoftuar me zhvillimin nga forcat e sigurisë.

Në nëntor të vitit 2016, afro 2.5 milionë udhëtarë kaluan përmes aeroportit Fort Laderdale, kanë njoftuar autoritetet qeveritare.