Supë krem perime me mish pule, ja si ta përgatisni vetë në shtëpi (Recetë/Video)

Pjatë e thjeshtë dhe për më tepër, shumë e shëndetshme. Ja se si ta përgatisni vetë në shtëpi.

Përbërësit

400 gr filetë pule

1 qepë

2 patate

1 karotë

100 gr selino

1 lt ujë

1 gotë pana (kuzhine)

djathë parmixhano

vaj ulliri, kripë, piper, kopër, majdanoz.

Përgatitja:

1.Prejeni qepën, patatet, karotat dhe selinon në copa të vogla.

2.Vendosni një tigan me vaj ulliri në zjarr dhe skuqni në të qepën dhe selinon. Hidhni karotat dhe patatet dhe skuqini për disa minuta. Shtoni 1 litër ujë dhe lërini të ziejnë.

3.Prejini filetot dhe koprën në copa të vogla. Skuqni filetot në një tigan me vaj ulliri. Hidhni pak kripë dhe piper.

4.Hidhni te perimet kripë, piper, 1 gotë pana kuzhine dhe djathë parmigiano. Përziejini mirë. Bëjeni supë krem me një frulator.

5.Hidhni në të filetot e pulës dhe koprën. Përziejini mirë.

6.Hidhni pak nga supa krem perime në një pjatë për servirje. Dekorojeni me majdanoz dhe pak vaj ulliri.