Shumë tiketa në trafik, njëra për këshilltarin e Isa Mustafës (Foto)

Policia e Kosovës ka bërë të ditur përmes raportit 24 orësh se ka shqiptuar 1 mijë e 15 tiketa trafiku për kundërvajtësit e rregullave të komunikacionit.

Ndërsa si duket shqiptimit të gjobave nëse llogariten 72 orët e fundit nuk i ka ikur as  shefi i Kabinetit dhe këshilltar i kryeministrit Isa Mustafa, Sokol Havolli.

Havolli përmes një shkrimi në Facebook, ka bërë të ditur se nëse do të mateshin tiketat për 72 orët e fundit, në mesin e tyre do të ishte edhe tiketa e tij, transmeton Indeksonline.

Si duket Havolli ka dashur të jetë sa më transparent në mënyrë që të tregojë që gjobave nuk i ikën as edhe ai, që është pjesë e Qeverisë së Kosovës./Indeksonline/