Shpejtim Bulliqi më në fund niset për ShBA

Kryetari i komunës së Podujevës, njëherit anëtar i Lëvizjes Vetëvendosje, Shpejtim Bulliqi parashihej që në fillim të nëntorit të 2022=tës të vizitojë Shtetet e Bashkuara të Amerikës, por njëjtë si bashkëpartiakja e tij, ministrja e Drejtësisë, Albulena Haxhiu, nuk kishte mundur që ta realizojë një gjë të tillë.

Kjo pasi që ai ishte këshilluar që të mos nisej për në ShBA.

Në lidhje me këtë çështje, mediat kishin kontaktuar me zëdhënësin e komunës së Podujevës, z.Fatri Zhitia, i cili konfirmoi se vizita ishte shtyrë.

“Takimin e ka shty ministria e Administrimit të Pushtetit Lokal, pasi që me sa kam informacione kanë pasë me marrë pjesë edhe disa komuna të tjera. Kryetari ka apliku për vizë amerikane, i është lëshu viza për pesë vjet, ka qenë i planifikum takimi për javën e ardhshme. Por sipas informacioneve që i kam unë, ministri Elbert Krasniqi ka kërku që vizita me u shty”, na tha ai.

E sot përmes një postimi në Facebook, Bulliqi ka treguar se po niset për shtetin e Iowa-s në ShBA.

“Jemi rrugës për në ?? për të zhvilluar takime me përfaqësuesit institucional të IOWA-s, dhe takime të tjera që janë planifikuar nga MAPL”, ka shkruar Bulliqi