Sekretari Amerikan i Mbrojtjes: Washingtoni është i angazhuar palëkundshëm për NATO-n

Sekretari i ri amerikan i Mbrojtjes, James Matis, i njohur me nofkën “qeni i çmendur”, porositi aleatët në NATO se Washington është “i angazhuar në mënyrë të patundur” për aleancën ushtarake.

Mattis të hënën, ditën e parë në detyrë, ka folur në telefon me Sekretarin e Përgjithshëm të NATO-s, Jens Stoltenberg, si dhe ministrat e mbrojtjes të Britanisë dhe Kanadasë, dhe me këtë rast u dërgoi këtë mesazh, shkruan sot AFP, raporton Gazeta Express.

Mattis theksoi “angazhim e palëkundur” amerikan në NATO, në një bisedë me homologun e tij britanik, Michael Fallon, tha zëdhënësi i Pentagonit, Jeff Davis.

Ai gjithashtu vuri në dukje se SHBA dhe Britania gjithmonë do të gëzojnë marrëdhënie unike të ngushta, të cilat mbahen me lidhjet e tyre të mbrojtjes, “të cilat janë themeli i sigurisë amerikane”.

Në bisedën me Stoltenberg, Mattis – i cili ishte më pare kishte pozicion të lartë në NATO – theksoi “rolin kyç që NATO luan në sigurinë transatlantike”.

Mattis dëshiroi që kjo thirrje të bëhet që në ditën e parë në postin e tij të ri në mënyrë që të forcojë rëndësinë që i jep Aleancës, thuhet në deklaratën e Pentagonit.

“Të dy udhëheqësit diskutuan për rëndësinë e vlerave tona të përbashkëta dhe Mattis ka thënë se, kur kërkojnë aleatë për t’i ndihmuar në mbrojtje të këtyre vlerave, SHBA gjithmonë fillojnë me me Evropën”, shtohet në deklaratë.

Duket që këto deklarata të Mattis janë në kundërshtim të plotë me atë që kishte proklamuar Presidenti i ri amerikan, Donald Trump./GazetaExpress/