Reportazh nga Parku i Qytetit në Podujevë (Video+Foto)

Se bora i ka bukuritë e veta është shumë e vërtet, dhe këtë e vërtetojnë fotot dhe videot që ekipi i PodujevaPRESS i ka bërë sot gjatë ditës në Parkun e Qytetit që ndryshe njihet me emrin “Parku te Pishat”.

Podujeva ka një park shumë të mirë, të cilin e vizitojnë shumë qytetar, të vjetër e të rinjë pa dallim moshe. Ajo që binte në sy ishte gëzimi i fëmijëve të cilët kishin dalur për të luajtur me sajat e tyre. Edhe pse sot temperaturat silleshin -6 deri në -7 grad celsius, ata nuk e ndalnin lojën, prandaj kot nuk thon se femijët kanë botën e tyre.

Gjatë vizitës nëpër këtë Park të mrekullueshëm, natyra kishte krijuar një pejsazh të jashtëzakonshëm, të cilin nuk mund ta përshkruash me fjalë. Pishat të cilat i kishte mbuluar bora, dukeshin sikur të kishin vënë kurora prej bore, me të cilën pamje nuk mund ta ngopësh syrin duke i shikuar.

Nëpër park pamë çifte të rinjësh të cilët sfidonin të ftohtin, që shëtisnin të përqafuar plot dashuri. Në këtë park sheh plot drunjë në të cilët të rinjët kanë shkruar shkronjat e emrave të tyre, të rrumbullaksuar me shenjën e zemrës që simbolizon dashurin. Ndoshta shumë të çifte kanë bërë betimin këtu derisa i kanë shkruar emrat e tyre.

Ajo që ishte sfiduese për ekipin tone por edhe për të mosharit ishte rruga e papastruar nga bora, e që për moshën e tyre është deri diku problematike.

Po të ngjitesh në maje të parkut ke mundësi të shohësh shumë fshatra por edhe male gjatë brezit kufitar me serbinë, të cilat sot mezi shiheshin sepse I kishte mbuluar mjegulla.

Gjatë kthimit, nëpër shumë vende dikush kishte vendosur grurë në disa vende, për zogjtë, që të ushqeheshin të cilët me cicërimat e tyre të krijonin qetësi shiprtërore . /PodujevaPRESS/