Reagon Komuna e Podujevës: Lajmi se janë arrestuar disa inspektorë është i pavërtetë

Gazeta “Infokus” me heret ka raportuar se policia e Kosovës ka arrestuar disa inspektor komunal lidhur me rrënimin e villave në Orllan të Podujevës, transmeton PodujevaPRESS.net

Ndërsa menjëherë ka reaguar Komuna e Podujevës duke e quajtur lajm të pavërtet. Ky lajm thuhet se është tendencioz dhe sipas tyre ka për qëllim dezinformimin e opinionit publik dhe zbrapsjen e Komunës së Podujevës karrshi atyre që tentojnë të shkelin mbi ligjin dhe të ndërtojnë pa leje duke e dëmtuar mjedisin përreth Liqenit të Batllavës.

Ky është reagimi:

Lajmi i gazetës “Infokus” se në Podujevë janë arrestuar disa inspektorë komunal për rrënimin e villave në Orllan është i porositur dhe krejtësisht i pavërtetë.

Ky lajm tendencioz ka për qëllim dezinformimin e opinionit publik dhe zbrapsjen e Komunës së Podujevës karrshi atyre që tentojnë të shkelin mbi ligjin dhe të ndërtojnë pa leje duke e dëmtuar mjedisin përreth Liqenit të Batllavës.

Ne kërkojmë nga Gazeta “Infokus” të tërheqë këtë lajm përndryshe do të bëjmë Kallxim Penal në Prokurori për shpifje dhe do t’i denoncojmë tek Këshilli i Mediave të Shkruara.