Policia në Podujevë: Për gjashtë muaj 4468 tiketa të shqiptuara për kundërvajtje në trafik

U mbajt mbledhja e tretë e KKSB-së për vitin 2023, njofton PodujevaPRESS.net

Nën udhëheqjen e Kryetarit të Komunës, Shpejtim Bulliqi u mbajt mbledhja e tretë e Këshillit Komunal për Siguri në Bashkësi(KKSB) për vitin 2023. Gjatë kësaj mbledhje u analizuan mbarëvajtja e rendit dhe qetësisë publike, rastet e dhunës në familje dhe situata e përgjithshme e sigurisë në Komunën e Podujevës.

Lidhur me gjendjen e sigurisë në komunë komandanti i Stacionit Policor, Nijazi Jashari raportoi se gjatë periudhës janar-qershor 2023 janë raportuar; 174 raste të aksidenteve te trafikut, 1 vrasje, 4 tentim vrasje, 37 kanosje, 34 raste dhunë në familje, 40 raste të vjedhjeve, 30 raste armë mbajtje pa leje, 202 arrestime dhe 4468 tiketa të shqiptuara për kundërvajtje në trafik.