Podujevës i shtohen 20 zyrtarë policorë

Shtabi Emergjent i Podujevës kërkon angazhim në zbatimin e masave të veçanta për mbrojtjen nga COVID-19

Shtabi Emergjent i Komunës së Podujevës për veprime dhe masa parandaluese e mbrojtëse nga COVID-19 në takimin e mbajtur sot ka shqyrtuar gjendjen aktuale me pandeminë, vendimin e fundit të Qeverisë për masat e veçanta për mbrojtjen nga pandemia COVID-19.

Në takimin e sotëm të Shtabit Emergjent, nënkryetari i Komunës, Nexhmi Rudari, informoi anëtarët e shtabit lidhur me gjendjen aktuale epidemiologjike në komunë dhe vendimin e fundit të Qeverisë për masat e veçanta për mbrojtjen nga pandemia COVID-19.

Komandanti i Stacionit Policor në Podujevë, Bekim Zogiani, tha se një lajm i mirë është se stafit të këtij stacioni i janë bashkangjitur edhe 20 zyrtarë policorë, të cilët menjëherë do të angazhohen në teren”.