Podujevë: Shpërndahen motokultivatorët për fermerët

Kryetari i komunës, Shpejtim Bulliqi, bashkë me drejtorin e organizatës së “Qatar Charity” në Kosovë Esam Dabab, dhe drejtorin e Bujqësisë, Fatmir Rudari, morën pjesë në procesin e shpërndarjes së motokultivatorëve për 53 fermerët përfitues nga projekti i marrëveshjes mes Komunës së Podujevës me organizatën “Qatar Charity”.

Gjatë ditës se sotme u shpërndanë 39 motokultivatorë që janë me kosë dhe frezë, ndërsa 14 motokultivatorë me kosë, frezë dhe rimorkio do të shpërndahen ditëve në vijim. Për realizimin e këtij projekti komuna ka participuar me 10% e vlerës së projektit, kurse organizata nga Katari me 90%.

Kryetari Bulliqi i uroj fermerët përfitues nga ky projekt, ndërsa ka falënderuar drejtorin e “Qatar Charity” për ndihmën dhe bashkëpunimin në sfera të ndryshme që kanë me komunën, si dhe shprehu zotimin që ky bashkëpunim të thellohet edhe më tej, me qëllim të realizimit të sa më shumë projekteve në dobi të qytetarëve.