Podujevë: Në Lagjen e Dëshmorëve do të ndërtohen edhe 30 shtëpi të tjera!

Komuna e Podujevës ka nënshkruar memorandumin për vazhdimin e financimit të Projektit për ndërtimin e shtëpive sociale në Lagjen e Dëshmorëve, transmeton PodujevaPRESS.

Ky projekt mbeshtetet nga Ministria e Punës dhe Mirëqenies Sociale (MPMS), vlera e të cilët do të jetë 285,489 euro, ku  parashihet ndërtimi edhe i 30 shtëpive të reja në këtë lagje, bënë me dije përmes një njoftimi Zyra për Marrëdhënie me Publikun dhe Informim pranë komunës së Podujevës.

Projekti si i tillë kishtë filluar para disa vitesh (viti 2012) dhe ku ishte paraparë ndërtimi i 120 shtëpive, projekt ky i cili do të realizohej në 4 faza, ku në secilën fazë do të ndërtoheshin nga 30 shtëpi.

Në atë kohe ishte arritur memorandum fillestar në mes të komunës së Podujevës dhe Ministrisë së Punës dhe Mirëqenies Sociale (MPMS), i cili parashihte që financimi i ndërtimit të shtëpive do të bëhej nga Ministria në fjalë, ndërsa komuna do të siguronte parcelën dhe e kishte për obligim ta rregullonte  infrastrukturën përcjellëse, sikurse janë: rruga, kanalizimi, ndriqimi dhe uji.

Memorandumin për vazhdimin e  financimit të projektit e kanë nënshkruar kryetari i komunës Agim Veliu dhe ministri i MPMS, Arban Abrashi./PodujevaPRESS/