Podujeva nuk është komunë një etnike (Dokument)

U raportua gjatë së hënës se në Podujevë nuk jeton asnjë pjesëtar i komunitetit serb dhe asnjë katolik. Por këtë nuk e thonë të dhënat e fundit të Agjencisë së Statistikave të Kosovës.

Sipas regjistrimit të fundit të popullsisë në Kosovë (2011), Podujeva i ka gjithsej 88.499 banorë. Prej tyre, shqiptarë janë 87.523, komunitetit serb i përkasin 12, nga komuniteti turk 5, 33 janë boshnjak, 74 romë, 680 ashkali, 2 egjiptian, 43 janë deklaruar si ‘të tjerë’, 7 kanë preferuar të mos përgjigjen dhe për 120 të tjerë nuk ka të dhëna për përkatësinë e tyre.

Bazuar në këto të dhëna, del që edhe sa i përket besimit, në Podujevë nuk ka vetëm myslimanë, por ka edhe të besimeve të tjera fetare.

Rrjedhimisht, del që Podujeva është komunë me diversitet nacional, fetar dhe kulturor./KosovaOnline.info/

Komunikata e lëshuar nga komuna e Podujevës pas takimit të kryetarit Agim Veliu me komandantin e LTM Qendra (KFOR) me datën 15 Maj 2013.

Artikulli paraprakBE-ja e ashpër: Liderët s’është dashur të komentojnë pas takimit të mbrëmshëm
Artikulli tjetërRusia i përgjigjet NATO-s me të njëjtën monedhë, lëviz ushtrinë e saj