Kosova kalon votimin në Komitetin e Asamblesë Parlamentare të KiE
Përkrahje masive për protestën e nesërme
Protesta e nesërme e thirrur në shenjë kundërshtimi ndaj vendimit të gjykatës së Colmarit të Francës për të shtyrë tutje verdiktin për rastin Ramush Haradinaj, po merr mbështetje të gjerë nga qytetarët e vendit.
Janë shumë parti politike që janë deklaruar hapur që e mbështesin këtë protestë të thirrur për në ora 13:00 nga Aleanca për Ardhmërinë e Kosovës, shkruan Indeksonline.
Sheshet e kryeqytetit nesër pritet të mbushen me protestues për të kundërshtuar padrejtësinë që po i bëhet ish-kryeministrit njëherësh lider i AAK-së.
Ramush Haradinaj, është ndaluar nga policia franceze më 4 janar, në bazë të një urdhër- arresti ndërkombëtar të lëshuar nga Serbia përmes Interpolit.
Ai akuzohet nga drejtësia e Serbisë për krime lufte. Nisur nga këto akuza, Prokuroria Speciale e Serbisë, pati paraqitur dhe kërkesën për ekstradimin e Haradinajt në Serbi./Indeksonline/