PDK në Podujevë: Prej 7 mijë vota që kishte në 2019, tani ka rënë në 4 mijë vota |Rezultatet

Pas humbjes në zgjedhjet e fundit lokale, LDK edhe kësaj here ka humbur bindshëm në zgjedhjet e jashtëzakonshme parlamentare që kanë përfunduar dje, njofton PodujevaPRESS.net

Me numërimin e votave del se Lëvizja Vetëvendosje është e para në këtë komunë, madje me një diferencë të frikshme prej 23.062 votave.

Duket se përfundimisht bastioni i kësaj partie në këtë qytet është thyer, madje kësaj radhe shumë keq.

Në këtë komunë LDK ka marr 9.366 vota.

Por si qëndron PDK në Podujevë. Ky subjekt në vitin 2019 kishte arritur të marr 7,421 vota, duke u bërë edhe një deputete e këtij subjekti nga Podujeva, por tani më 14 shkurt arriti të marr vetëm 4.478 vota, që tregon një rënje të madhe të këtij subjekti opozitar i cili asnjëherë nuk ka fituar në këtë qytet.

Tani pas zgjedhjeve lokale të 29 nëntorit të vitit të kaluar ky subjekt është edhe pa kryetar dege, pasi që Naim Fetahu ka dhënë dorëheqje, pas humbjes që pësojë në garën për kryetar komune i cili mori vetëm 4.300 vota.

Është për tu quditur fakti se si një subjekt që nuk ka qenë në pushtet asnjëherë në Podujevë të ketë vetëm rënje në vota, apo është fakti se në opinion është akuzuar si subjekt i cili e ka ndihmuar Agim Veliun të fitojë në Podujevë, sidomos nga 2007 e këndej.

Këto janë rezultatet e vitit 2019 dhe 2021