PDK në Podujevë e pavendosur se me cilin kandidat do të garojë në zgjedhjet lokale 2017

Partia Demokratike e Kosovës në Podujevë vazhdon të jetë forca e dytë politike për një kohë të gjatë, ndërsa asnjëherë s’ka qenë pjesë e qeverisjes komunale në Podujevë, njofton PodujevaPRESS.

Kryetari i tanishëm nga radhët e LDK-së Agim Veliu në zgjedhjet lokale të vitit 2013 kishte fituar  mandatin e tij të tret, ku për vetëm 156 vota i kishte shpëtuar balotazhit, ndërsa PDK kishte garuar me Naim Fetahun i cili ishte renditur i dyti me vota por edhe PDK si subjekt.

Ndërsa ne zgjedhjet e fundit nacionale te vitit 2014 PDK e Podujevës kishte arritur që në Parlamentin e Republikës së Kosovës t’i dërgoi 3 deputet: Latif Gashi, Rrustem Mustafa dhe Naim Fetahu, ndërsa LDK si forcë e par në Podujevë kishte arritur ti dërgonte vetëm dy deputet ne Parlamentin e Republikës së  Kosovës, : Nuredin Ibishi dhe Shpëtim Bulliqi. (Jemi në dijeni që tani përbërja e legjislaturës ka ndryshur, por kjo ishte përbërja në konstituimin e kuvendit)

PDK dega në Podujevë bëjnë me dije burime tona, edhe pse vitin e fundit ka zhvilluar konsulta dhe takime me strukturat drejtuese në teren, ajo ende se ka bërë zyrtare se cili do të jetë kandidati për kryetar komune në zgjedhjet lokale që priten të mbahen sipas afatit ligjor në vjeshtën e vitit 2017.

Ndërsa një gjë tani më është e ditur, gara për të parin e Podujevës pritet të jetë një ndër garat më të forta në nivel vendi./PodujevaPRESS/