Kurti e Bulliqi bënë homazhe në 25 vjetorin e Masakrës së Dyzit
Partitë në pushtet besojnë se Haradinaj tashmë i ka bindur serbët për të votuar ushtrinë
Partitë në pushtet besojnë se tashmë serbët janë bindur që të votojnë FSK’në. Opozita kërkon ndryshime kushtetuese për këtë hap. Nëse Kuvendi i Kosovës i përmbahet agjendës legjislative, votimi i ushtrisë duhet të dalë më 30 nëntor.
Kuvendi i Kosovës pritet që më 30 nëntor të shqyrtojë Projektligjin për Forcat e Armatosura të Kosovës, por kjo nëse Qeveria do t’i përmbahet agjendës legjislative të votuar në ekzekutiv.
Partitë në pushtet presin që kjo çështje të vijë në Kuvend dhe që për këtë të jenë bindur edhe serbët, raporton KTV.
Haxhi Shala, që është kryetar i Komisionit për Punë të Brendshme, Siguri e Mbikëqyrjen e FSK’së, beson që kjo çështje të përfundojë në legjislativ brenda afatit të paraparë, madje me ndryshime kushtetuese.
Zëvendësi i tij në Komision, deputeti i Vetëvendosjes, Rexhep Selimi, thotë se do të ishte mirë që të ndodhnin ndryshimet kushtetuese, por pushteti duhet të tregojë nëse për këtë janë bindur serbët.
Ndërkohë, Artan Murati nga KDI’ja, kërkon nga Qeveria që t’i përmbahet agjendës legjislative, në mënyrë që të mos ketë vonesa sikurse që ka ndodhur me qeveritë e kaluara.
Për këtë periudhë të mbetur të 2017, Qeveria ka paraparë 38 projektligje, ndërkohë vitin e kaluar, Kuvendi i Kosovës nuk kishte arritur të përmbushte agjendën e paraparë./Express/