Paralajmërojnë veteranët: Durimit po i vjen fundi

OVL e UÇK’së, se Pejës, Deçanit, Gjakovës dhe Istogut paralajmëron se durimit tyre po i vije fundi. Ata kanë ftuar të gjithë faktorët vendimmarrës, që të mos provokojnë destabilizim dhe të mos nënvlerësojnë fuqinë dhe aftësitë e tyre për të menaxhuar çdo situatë

“Çdo vendim për komandantin Ramush Haradinaj, përpos lirimit të tij të pa kusht, është i padrejtë dhe i papranueshëm për ne”, kanë thënë OVL e UÇK’së në deklaratën për media.

Ata gjithashtu thonë se që nga ndalimi i Ramush Haradinajt në Francë, janë në gatishmëri.

“Ne ftojmë të gjithë faktorët vendimmarrës, që të mos provokojnë destabilizim dhe të mos e nënvlerësojnë fuqinë dhe aftësinë tonë për të menaxhuar çdo situatë me të cilën mund të përballemi. Durimit po i vije fundi”, shkruan në komunikatë për media.

Sa i përket vazhdimit të dialogut me Serbinë, OVL e UÇK’së thonë se ne situatën në të cilën gjendemi, është gabimi më i madh që qeveria ka bërë pas luftës në Kosovë, të cilën e konsiderojnë si fyerje për qytetarët e Kosovës.

Mirëpo, Organizatat e dala nga lufta, thonë se edhe matja e territorit është një mashtrim i radhës që po e bën Qeveria e Kosovës.

“Asnjë mekanizëm që do e legjitimojë dhënien e një pjese të territorit të Kosovës, që veçse është i cunguar, nuk do të pranohet dhe nuk do të lejohet që të gjej zbatim praktik. Të gjithë protagonistët e tentativës për faljen e territorit të Kosovës, do ta bartin vulën e tradhtisë brez pas brezi”, shkruan në komunikatë.

Komunikata e plotë:

DEKLARATË

1.Çdo vendim për Komandantin Ramush Haradinaj, përpos lirimit të tij të pa kusht, është i padrejtë dhe i papranueshëm për ne. Që nga ndalimi i tij në Francë, ne jemi vënë në gjendje gatishmërie. Ne ftojmë të gjithë faktorët vendimmarrës, që të mos provokojnë destabilizim dhe të mos e nënvlerësojnë fuqinë dhe aftësinë tonë për të menaxhuar çdo situatë me të cilën mund të përballemi. Durimit po i vie fundi.

2.Konsiderojmë se vazhdimi i bisedimeve me Serbinë në Bruksel, në situatën në të cilën gjendemi, është gabimi më i madh që qeveria jonë e ka bërë prej pasluftës dhe është fyerja e radhës për Kosovën dhe popullin e saj.

3.Matja e territorit, është një mashtrim i radhës që po e bën Qeveria e Kosovës, për të mbuluar turpin e vet dhe për të legjitimuar demarkacionin me Malin e Zi në versionin aktual. Asnjë mekanizëm që do e legjitimojë dhënien e një pjese të territorit të Kosovës, që veçse është i cunguar, nuk do të pranohet dhe nuk do të lejohet që të gjej zbatim praktik. Të gjithë protagonistët e tentativës për faljen e territorit të Kosovës, do ta bartin vulën e tradhtisë brez pas brezi.