New York dhe New Jersey shpallin gjendjen e emergjencës

Shtetet verilindore të Amerikës, Nju Jorku dhe Nju Xhersi kanë shpallur gjendjen e emergjencës, ndërkohë që një stuhi e madhe dimërore po i afrohet zonës, shkruan “BBC”.

Shërbimi Kombëtar i Motit ka lëshuar paralajmërime për një pjesë të Pensilvanisë, Nju Xhersit, Nju Jorkut dhe Konektikatit.

Pothuajse të gjitha shkollat janë mbyllur dhe mijëra fluturime janë anuluar.

Me erëra deri në 100 kilometra në orë, stuhia dimërore “Stela” ka të ngjarë të shkaktojë probleme të rënda për banorët në pjesët verilindore të Amerikës, që do të vazhdojnë deri të mërkurën në mëngjes, thonë parashikuesit.

Kushtet e rënda atmosferike kanë bërë që Kancelarja gjermane Angela Merkel të shtyjë vizitën diplomatike në Uashington për t’u takuar me presidentin Trump.