Në prag të dimrit fillon largimi i asfaltit në magjistralen Podujevë-Prishtinë |FOTO

Magjistralja Prishtinë-Podujevë ka filluar së ndërtuari në shtatorin e vitit 2016.

Ndërtimi i kësaj magjistrale është ndarë në gjashtë segmente, dhe i tërë është projekt i Ministrisë së Infrastrukturës.

Segmenti i parë ka qenë i paraparë të përfundohet në shtator të vitit të 2017, por kjo gjë ende nuk ka ndodhur në tërsi.

Madje, kompania e kontraktuar për ndërtimin e saj i kishte ndërprerë punimet. Edhe ish Ministrat Lutfi Zharku e Pal Lekaj nuk janë interesuar aspak për punimet dhe rreziqet që po i shkakton kjo magjistrale.

Mirëpo tani për qudi në prag të sezonit të dimrit ka filluar prishja e rrugës egzistuese konkretisht në fshatin Penuh dhe po bëhet largimi i asfaltit. Kjo po shkakton tani edhe kolona dhe rreziqe në rrugë.

Magjistralja Prishtinë-Podujevë, është quajtur edhe si magjistrale e vdekjeve, për arsye se sipas statistikave të Policisë së Kosovës, vetëm gjatë katër vjetëve të fundit, në këtë rrugë kanë humbur jetën mbi 30 persona, nga aksidentet e komunikacionit.

Qytetarët një ndër fajtorët për aksidentet e mëdha , e kishin bërë gjendjen e mjerueshme të kësaj rruge.