Ndërron jetë ish-luftëtari i UÇK-së i Zonës së Llapit

Sot ka ndërruar jetë ish pjestari i Ushtrisë Çlirimtare të Kosovës Fadil Mulliqi.

Mulliqi ishte veteran i UÇK-së në Zonën Operative të Llapit si dhe deri para pak kohësh kryetar i organizatës së veteranëve të luftës në Podujevë, njofton PodujevaPRESS.

Lajmin për vdekjen e tij e kanë bërë publike bashkëluftëtarët e tij.

Një reagim e ka bërë edhe kryetari I Podujevës Shpejtim Bulliqi:

I papritur e fort i dhimbshëm lajmi për ndarjen nga jeta të komandantit të njësisë speciale në Zonën Operative të Llapit, Fadil Mulliqi.

Fadili ishte kthyer nga mërgimi për t’ju bashkuar radhëve të Ushtrisë Çlirimtare të Kosovës në luftën për lirinë e Kosovës, gjatë betejës së Kaçandollit më 1 maj 1999 ishte plagosur, ndërsa pas rikuperimit menjëherë i ishte bashkuar bashkëluftëtarëve për të vazhduar luftën për çlirimin e Kosovës.

Nga pas lufta ishte pjesë e strukrurave udhëheqëse të shoqatave të dala nga lufta, së fundmi barte pozitën si sekretar organizativ i OVL në Llap.

Ngushëllime të sinqerta familjes, farefisit dhe të gjithë miqve e bashkëluftëtarëve të Fadilit!