“Të vras”, “E han plumbin” | Çifti e kërcënojnë njëri – tjetrin
![Mustafa “shuplakë” Thaçit: S’ka ushtri pa Amerikën (Foto)](https://podujevapress.net/wp-content/uploads/2017/03/thaci-mustafa.jpg)
Mustafa “shuplakë” Thaçit: S’ka ushtri pa Amerikën (Foto)
Propozimi i presidentit të vendit, Hashim Thaçi, për ndryshimin e Ligjit për Forcën e Sigurisë së Kosovës si duket nuk do ta marrë “dritën jeshile” nga Qeveria e Kosovës. I pari i ekzekutivit, Isa Mustafa deklaroi se formimi i ushtrisë së Kosovës mund të bëhet vetëm në koordinim me miqtë ndërkombëtarët.
“Formimi ushtrisë vetëm me koordinim me Amerikën dhe NATO-n”, ka thënë Mustafa gjatë tubimit të 27 vjetorit të LDK-së në Podujevë, shkruan Indeksonline
![](http://indeksonline.net/public/uploads/image/17373132-10212276658941662-1155576784-o.jpg)
Vlen të theksohet se për procesin e transformimit të Forcës së Sigurisë së Kosovës në Ushtri po e kundërshton fuqishëm ambasadori amerikan, Greg Delaëie. Ky i fundit ka deklaruar se një gjë e tillë nuk duhet të bëhet pa ndryshimet kushtetuese. /Indeksonline/
Ndërsa presidenti i Kosovës Hashim Thaçi ka thënë se për transformimin e FSK-së janë në koordinim të plotë me partnerët ndërkombëtarë dhe se FSK duhet të transformohet në ushtri.
“Nuk është veprim i njëanshëm, por nëse ndonjë vend mendon që [Kosova] duhet të jetë e koordinuar me Serbinë, diçka e tillë nuk do të ndodh.Kryeministrit të Serbisë Vuçiq, i kam kërkuar që të ushtrojë ndikimin për rikthimin e serbëve në institucionet e Kosovës, në mënyrë që të votohet Asociacioni dhe Demarkacioni gjithashtu edhe të ndodhin ndryshimet Kushtetuese për FSK-në përgjigja e tyre ishte hezituese, prandaj kthim prapa nuk ka, FSK duhet të transformohet në ushtri të Kosovë”, ka deklaruar ai. /Indeksonline/