Mbahet akademi përkujtimore për eprorin e lartë të UÇK-së, Faik Durmishi

Sot prej orës 17:00 në Sallën e Kulturës në Komunën e Podujevës, është mbajtur akademi përkujtimore me rastin e 1 vjetorit të vdekjes së eprorit të UÇK-së, Faik Durmishi.

Faik Durmshi ishte i njohur me pseudonimin e luftës “Xhezvja” ishte komandant i Njësisë Speciale të Brigadës 151 “Zahir Pajaziti” të Zonës Operative të Llapit, ndërsa më vonë ishte edhe pjesë e TMK-së dhe së fundmi i FSK-së.

Para të pranishmëve me nga një fjalë rasti ju drejtuan, në emër të OVL së UÇK-së Fadil Mullqi, zv. Ministri i FSK-së, Muhamet Latifi, njëherit kryetar i PDK-së në Podujevë, ish komandanti i FSK-së  Kadri Kastrati, i biri i Faik Durmishit -Kastrioti.

Të pranishëm ishin edhe zv. Ministri i Bujqësisë Vezir Jonuzi dhe zyrtare e drejtor të drejtorive komunale të Podujevës.

Ndërsa vëllai i Faikut bashkë me deputetin e LDK-së Nuredin Ibishi zbuluan pikturën e punuar nga piktori Bedri Kadriu.

Po ashtu poezi  kushtuar trimit të atdheut Faik Durmishi, u prezantuan nga poeti Ilmi Tahiri. /PodujevaPRESS/