Vdes mamia llapjane Sanije Topanica, iu ndihmoi grave në lindje gjatë luftës
MAShT ndau 500 bursa për nxënës të komunitetit RAE dhe 50 të tjera për studentë
Ministri i Arsimit, Shkencës dhe Teknologjisë, Arsim Bajrami ka bërë ndarjen simbolike të bursave për nxënës dhe studentë të komuniteteve Rom Ashkali dhe Egjiptian (RAE), projekt ky që po implementohet disa vite radhazi nga MAShT-i në bashkëpunim me donatorët, shkruan Gazeta Express.
Ministri Bajrami me këtë rast tha se ndjehet mirë që Ministria e Arsimit në bashkëpunim me organizatat partnere sot po bën ndarjen e bursave për 500 nxënës të komunitetit Rom, Ashkali dhe Egjiptian, si dhe 50 bursave për studentët e të gjitha komuniteteve.
“Me këtë ne po krijojmë mundësi që të rinjtë e këtyre komuniteteve të arsimohen dhe edukohen, të ndërtojnë karrierë profesionale dhe të krijojnë perspektivë për jetën e tyre në të ardhmen “ tha ministri Bajrami.
Në vazhdim, ministri Bajrami tha se është shumë me rëndësi që të investojmë në edukim, ndërsa theksoi se personalisht ka qenë i angazhuar në fushatën për vetëdijesimin e fëmijëve dhe prindërve të komunitetit RAE për nevojën dhe rëndësinë e edukimit.
“Projekti për ndarjen e bursave , nxënësve dhe studentëve të komuniteteve , zyrtarisht ka filluar të implementohet më 1 Prill 2016, si rezultat i fondeve të IPA II 2014, dhe do të zgjasë për tri vite:- thuhet ndër të tjera në komunikatën drejtuar mediave.
