Nikolic shtyhet me fjalë me ambasadorin amerikan në Serbi

Beograd – Kryetari i Serbisë, Tomislav Nikolic, është takuar me ambasadorin e SHBA, Kyle Scott.

Nikolic i ka thënë Scott tha se ai e kupton që Shtetet e Bashkuara mbështesin diçka në krijimin e së cilës kanë ndikuar drejtpërdrejtë dhe se Uashingtoni zyrtar me zbatimin e vullnetit të vet krijoi shumë probleme, andaj shpreson se me administratën e re një sjellje e tillë do të ndalet, shkruan Gazeta Express.

Në deklaratën e shërbimi për shtyp thuhet se presidenti Nikoliq theksoi që të dy vendet janë në rrugën drejt rimëkëmbjes së bashkëpunimit dypalësh dhe shprehu shpresën se me administratën e re, marrëdhëniet midis dy vendeve do të marrin një kontekst të ri, raporton agjensia Tanjug.

“Në mesin e qytetarëve ka dyshim se Serbia mund të ketë të njëjtin trajtim si vendet e tjera, të cilat kanë pasur, siç duket, perceptim më të mirë në sytë e SHBA-ve”, tha presidenti, duke shtuar se “sjellja e Prishtinës në lidhje me trenin, i cili u nis të shtunën nga Beogradi në Mitrovicë, është krejtësisht e papranueshme”.

“Për ata (shqiptarët) është një provokim treni i zbukuruar me simbole serbe dhe tek ai tren u nisën me bomba dhe pushkë, pa lejen e KFOR-it. Askush nuk ngre pyetjen nëse është një provokim kur në territorin e Kosovës lëvizin me simbolet e një ‘Shqipërie të Madhe’, dhe e promovojnë publikisht atë ide të pakuptimtë”, ka thënë Nikolic.

Ai shtoi se Serbia kurrë nuk do të njohë pavarësinë e Kosovës, pavarësisht nga presioni i fuqive të mëdha që janë tubuar rreth promovimit të kësaj pavarësie.

Ambasadori amerikan Kyle Scott ka rënë dakord me presidentin për faktin se të dy palët nuk mund të bindin njëra tjetrën në lidhje me statusin e Kosovës.

Ai theksoi se nuk është fjala për transport, por konsensusin mbi hyrjen dhe lëvizjen në Kosovë.

Ambasadori amerikan tha se vendi i tij mbështetë Serbisë për reforma dhe hapjen e kapitujve në kuadër të integrimit evropian.

“Serbia është një faktor i rëndësishëm i stabilitetit në rajon dhe marrëdhëniet me fqinjët e saj kanë pasur uljet dhe ngritjet e tyre”, vuri në dukje ambasadori Scott dhe shtoi se janë ndërmarrë hapa përpara në normalizimin e marrëdhënieve me Kosovën dhe disa hapa prapa.

Ai shprehu gatishmërinë e Shteteve të Bashkuara për të ndërtuar marrëdhënie të forta me Serbinë.

Artikulli paraprakMAShT ndau 500 bursa për nxënës të komunitetit RAE dhe 50 të tjera për studentë
Artikulli tjetërKjo ishte gjendja e rruges Pollatë-Podujevë në mëngjes (Foto)