Lajm i keq për qytetarët e Podujevës: Ndërprerje e furnizimit me ujë

Kompania Rajonale e Ujësjellësit “Prishtina” ka njoftuar se më datë 19 dhe 20 qershor në qytetin e Podujevës do të zhvillohen punime teknike në gypin furnizues me diametër 450 mm, transmeton PodujevaPRESS.net

Sipas njoftimit zyrtar, këto punime kanë për qëllim rritjen e kapacitetit të furnizimit me ujë për qytetin, mirëpo gjatë kësaj kohe do të ketë ndërprerje të përkohshme të furnizimit me ujë të pijshëm.

Ndërprerja do të ndodhë në të dyja ditët, nga ora 12:00 deri në 18:00.

Kompania falënderon qytetarët për mirëkuptimin dhe kërkon durim gjatë kohës së ndërhyrjeve teknike që synojnë përmirësimin e shërbimeve në të ardhmen.