Rritet çmimi i biletës në relacionin Podujevë – Prishtinë nga data 23 qershor

Nga data 23 qershor 2025, do të ketë rritje të çmimit të biletës për udhëtimet me autobus në relacionin Podujevë – Prishtinë, njofton PodujevaPRESS.net

Sipas njoftimit të vendosur nga operatorët e transportit publik, çmimi i ri i biletës do të jetë 1.50 euro, një rritje kjo që vjen si pasojë e rritjes së çmimeve të derivateve.

Kjo masë pritet të ndikojë tek qytetarët që përditë udhëtojnë mes dy qyteteve, sidomos ata që janë përdorues të rregullt të transportit publik për punë apo studime. Ndërkohë, nuk është bërë e ditur nëse do të ketë ndonjë formë lehtësimi për kategori të caktuara të udhëtarëve, siç janë studentët apo pensionistët.