Ky është llapjani që humbi jetën në aksidentin në Kroaci |FOTO

Kreu i Podujevës,  Shpejtim Bulliqi e ka publikuar identitetin e njërit nga 10 të vdekurit në aksidentin e tmerrshëm që ndodhi në Kroaci.

Ai ka bërë të ditur se bëhet fjalë për Sevdail Rrustemin, që Bulliqi ka thënë se e ka mik dhe vjen nga Pakashtica e Podujevës.

“Dje kemi pranuar informatën nga Ministria e Punëve të Brendshme, se prej 10 viktimave të aksidentit tragjik në Kroaci, njëri prej tyre është edhe miku im, Sevdail Rrustemi nga Pakashtica e Podujevës. Ky lajm i kobshëm për vdekjen e bashkëvendasit tonë na lëndoi thellësisht të gjithë qytetarëve të Llapit”, tha ai.

“Unë iu shpreh ngushëllimet më të sinqerta familjarëve dhe miqve të viktimës, dhe shpreh solidaritetin e plotë, që si institucion me të gjitha mundësitë tona do të qëndrojmë pranë familjes në këto momente të rënda”, shtoi i njëjti.