Ky është anëtari i Kryesisë së LDK-së që votoi kundër shkarkimit të Agim Veliut

Jo të gjithë anëtarët e Kryesisë së LDK-së u pajtuan me propozimet e kryetarit të ri të kësaj partie, Lumir Abdixhiku për kandidatët për kryetar komunë dhe për shkarkimin e Agin Veliut nga kryetari i Degës në Podujevë.Gazeta Blic ka marrë vesh se është ish- ministri i Infrastrukturës, Lutfi Zharku ai i cili ka dalë kundër kandidatit për kryetar të Prishtinës, Përparim Rama.“Zharku e ka votuar kundër propozimin për kandidatin Përparim Rama”, tha ky burim i Gazeta Blic.

Ndryshe, Zharku e kishte kundërshtuar edhe publikisht një deklaratë të Ramës, i cili kishte theksuar se garon nën ombrellën e LDK-së, por që është apolitik.Zharku sipas burimeve të Gazeta Blic nuk ishte pajtuar në mbledhjen e sotme të Kryesisë edhe me propozimin e Abdixhikut për shkarkimin e Agim Veliut, nga kryetari i Degës së LDK-së në Podujevë.

“Zharku kundështoi edhe shkarkimin e Veliut”, tha burimi.

Ndryshe, Gazeta Blic ishte e para që raportoi për shkarkimin e Veliut.Gazeta Blic ka provuar që ta kontaktoj Zharkun, por kontakti me të ka qenë i pamundur.