Ku është Ajet Potera? Komuna e Podujevës thonë se Bahri Selimi është UD i Drejtorisë së Inspeksionit

Sot, zyra për informim e Komunës së Podujevës ka njoftuar se Shtabi Emergjent i kësaj komune ka mbajtur takimin e saj të rregullt, transmeton PodujevaPRESS.net

Në njoftim thuhet se “U.D i Drejtorisë së Inspeksionit, Bahri Selimi, tha se gjatë periudhës së ndërmarrjes së masave të reja, inspektorët vazhdimisht kanë qenë në teren së bashku me Policinë. Ai tha se gjatë kësaj periudhe inspektorët kanë shqiptuar 10 gjoba për mos respektim të masave anti-COVID.

Drejtori Selimi tha se masat e fundit kundër  COVID-19 janë respektuar edhe në administratën komunale, duke reduktuar stafin nëpër dikastere – drejtori”.

Pra deri më tani Drejtor i Drejtorisë së Inspeksionit ishte Ajet Potera, por ky njoftim i komunës tregon se ai nuk udhëheqë më me këtë drejtori.

Burime të brendshme të PodujevaPRESS kanë treguar se Ajeti ka vendos që më të mos merret me Inspeksionin në Podujevë.

Presim nga komuna e Podujevës të njoftojë opinionin për ndryshimet që ndodhin dhe ato që pritet të ndodhin në ekzekutivin e kësaj komune.