Kryesia e Gruas së PDK-së në Podujevë nderon mësueset

Kryesia e Gruas Demokratike në Podujevë, me rastin e 7 dhe 8 Marsit, Ditës së Mësuesit, si dhe Ditës  së  Gruas ka nderuar me mirënjohje dhe lule disa nga mësueset dhe gra të profesioneve tjera të cilat kanë kontribuar jo vetëm në arsimimin e gruas por edhe në fusha tjera të jetës.

Në një njoftim dërguar mediave kryesia e Gruas së PDK-së, në Podujevë njofton se me rastin e 7 dhe 8 Marsit, Ditës së Mësuesit, si dhe Ditën e Gruas ka nderuar me mirënjohje dhe lule disa nga mësueset, të cilat tashmë janë në pension, po ashtu edhe gra të profesioneve tjera të cilat kanë kontribuar jo vetëm në arsimimin e gruas por edhe në fusha tjera të jetës, transmeton PodujevaPRESS.

Me këtë rast, kryetarja e kësaj dege, Vjosa Sheholli tha se në këto ditë të shënuara ato si gra demokratike kanë dashur që t’i nderojnë disa prej grave kontribuese në arsim dhe fusha të tjera.

“Ne si Kryesi e gruas së PDK-së, kemi menduar që në këtë 7 dhe 8 Mars, pra Ditën e Mësuesit dhe Ditën e Gruas, t’i nderojmë me mirënjohje disa mësuese të cilat janë në pension dhe përmes tyre t’i falenderojmë për  përkushtimin dhe punën e palodhshme në arsimimin e shumë brezave. Po ashtu me mirënjohje, për nderë të 8 Marsit kemi nderuar edhe gra të cilat kanë dhënë kontribut fisnik dhe kanë bërë punë humane, vecanërisht për gratë”, theksoi me këtë rast, Sheholli. /PodujevaPRESS/