Komuna e Podujevës organizon manifestim për nder të Ditës së Mësuesit

Në një manifestim të organizuar për nder të 7 Marsit – Ditës së Mësuesit, kryetari i Komunës së Podujevës, Agim Veliu, ka uruar mësimdhënësit llapjanë dhe ka nderuar me mirënjohje mësimdhënësit e dalluar, mësimdhënësit që kanë shkuar në pension dhe ka ndarë mirënjohje post-mortum për mësimdhënësit që ndërruan jetë brenda këtij viti shkollor, njofton PodujevaPRESS

Komuna e Podujevës, me një manifestim të organizuar në Sallën e Tetarit “Avdush Hasani” ka shënuar 7 Marsin – Ditën e Mësuesit, me ç’rast me mirënjohje janë nderuar veteranë të arsimit dhe mësimdhënës të dalluar.

Në këtë manifestimin e sotëm ku ishin të pranishëm mësimdhënës nga të tri nivelet e arsimit dhe zyrtarë komunalë, Kryetari i Komunës së Podujevës, Agim Veliu, foli rrugëtimin dhe zhvillimin e sprovat nëpër të cilat kaluan mësimdhënësit, që nga hapja e shkollës së parë shqipe.

Manifestimin për nder të Ditës së Mësuesit e begatoi me një program artistik Shoqëria Kulturore Artistike”Josip Rela”./PodujevaPRESS/